నందమూరి తారకరామా...!

నందమూరి తారకరామా!
నవరస నటనా సార్వభౌమ!
చిత్రసీమ నభస్సులొ మెరిసిన
హరి చాపం నీ రూపం!
చిత్రసీమ సరస్సులొ విరిసిన
అరవిందం నీ అందం!
తెలుగు నాడు ఆరాధించిన
శ్రీరాముని రూపం నీది!
తెలుగు వాడు ఆస్వాదించిన
శ్రీక్రుష్ణుని తత్వం నీది!
రాజసం మూర్తిభవించిన రారాజువై
పౌరుషం ప్రజ్వరిల్లిన రావణ బ్రహ్మవై
భీకరాకారం తొ గర్జించిన భీమసేనుడవై
శివతాండవం శివమెత్తిన నిజలాక్షుడవై
గ్రీష్మ తేజస్సు తొ విక్రమించిన భీష్ముడవై
స్వామిభక్తి కి సంకేతం గా నిలచిన కర్ణుడవై
తెలుగుతేజం పరవశించిన క్రుష్ణరాముడవై
లొకానికి విజ్ఞ్ణానం వెదజల్లిన వీరబ్రహ్మవై
ఏన్ని పాత్రలలొ జీవించినావొ
ఎంత వైవిధ్యం చూపించినావొ
పట్టిన పట్టు సాధించే,నీ సాహసం వజ్రసంకల్పం
చేపట్టిన కార్యం సాగించే
నీ రాజసం రాజకీయ శిల్పం
మొన్న:
తెలుగు తెర పై కధానాయకుడవు
నిన్న:
తెలుగు ధర పై ప్రజానాయకుడవు
నేడు:
తెలుగు జాత్తి కి స్పూర్తి ప్రదాతవు
తెలుగుదేశం - నీ ఆవేశం !
భారతదేసం - నీ ఆదర్శం!
వెలుగు కొసం - నీ సందేశం!
పొంగి వచ్హె స్వాభిమానం - నీ సిరి
సమస్త ప్రజా సంక్షేమం - నీ వూపిరి

నా పయనం

"ఎటు వైపొ నా పయనం నన్ను అడగకు
నన్ను ముందుకు తోస్తున్న కాలాన్ని అడుగు...
లేకుంటే గతిని మార్చే నా తలరాతని అడుగు..."

"గమ్యం చేరే వరకు తెలియదు దాని విలువ ఏమిటొ
మరణం దరి చేరేవరకు తెలియదు ఈ జీవితం విలువ ఎంతో"

"ప్రతి క్షణం నీదిగా..! ప్రతి క్షణం నీవుగా..!
జీవితం లొ జీవించు ... అనుకున్నది సాధించు..."

ఒక్కసారి...

నీకు నాకు మధ్య మాటల వంతెన నిశ్శబ్ధం గా కూలిపొయింది,

మౌనం పెరిగింది అపార్ధాల అగాధం పున:నిర్మాణ ప్రయత్నం లొ

ఎన్నొ వేల మెట్లు దిగి నీకై ఈ చివరి ప్రయత్నం

కొన్నిసార్లు మౌనం జీవితకాలపు ప్రశ్నల్ని మిగిల్చేస్తుంది

పెనవేసుకొవాలనుకున్న పవిత్ర బంధం పరిధులను నిర్మించుకుంది

నువ్వు వస్తావని నేను, నేను పిలుస్తానని నీవు…

ఒకే ఒడ్డున ఎవరికి కాకుండా నిలుచున్నాం

అడిగితె చెబుదామని నేను, చెబితె విందామని నీవు…

మనిద్దరి మధ్యన అహం అడ్డుగొడలు నిర్మించుకున్నాం

ఒక్కసారి చూడు, నా కళ్ళలొకి, సప్త సముద్రాలు కనురెప్పలమాటున…

ఒక్కసారి విను, తప్పొప్పుల బేరీజు నడుమ సతమతమయిన

మనసు మూగవేదనను మౌనం అంతా మాటలుగా మారి

గుండె లొతుల్లొ గొంతుకను దాచేసింది.

ఒక్కసారి పలుకరించి చూడు వెల్లువలా నిన్ను ముంచెత్తుతుంది.

కనురెప్పల మాటున దాగిన స్వప్నం రూపం చూసిందెవరు?

అందుకే ఆవేదనను ఇలా నివేదన చేస్తున్నాను.

నా కళ్ళ వాకిళ్ళలొ స్వప్నాల తోరణాలు కట్టి వేచి వున్నాను

నువ్వు వస్తావని...

నా మనసు ముంగిట్లొ ఆశల రంగవల్లులు దిద్దాను

సంక్రాంతి వెలుగులు తెస్తావని...

“ఫ్రేమ వున్నచొట భాధ్యత బరువు కాదు”

పుణ్యం-పాపం

ఏ పుణ్యం చేసుకున్నవొ ఆ జడగంటలు
నీ నల్లని కురులకు జతగా చేరినందుకు
ఏ పుణ్యం చేసుకున్నదొ ఆ ఎర్రటి తిలకం
నీ నుదుటి పై చందమామలా నిలచినందుకు
ఏ పుణ్యం చేసుకున్నదొ ఆ నల్లని కాటుక
నీ నయనాల చెంత ఉన్నందుకు
ఏ పుణ్యం చేసుకున్నవొ ఆ గల గల మనే గాజులు
నీ మ్రుదువైన హస్తాలను తనలొ దాచుకున్నందుకు
మరి ఏ పాపం చేసుకున్నదొ నా చిన్ని మనస్సు
నీ మనస్సు చేరనందుకు .....