నీ తలపుల సంద్రంలో మునిగిపోతున్నా...

క్షణక్షణం నీ తలపుల తలంపులో 
తీరమెరుగని నావలా మానస సంద్రంలో 
దిక్సూచీని వెదుకుతూ...
ప్రేమ చుక్కానికై పరితపిస్తున్నా
పచ్చని పచ్చిక బయళ్లు
వెచ్చని ఊసుల లోగిళ్లు
నా గుండె గది తలుపును తడుతుంటే
నీ రాకకై నిరీక్షిస్తున్నా
ఆమనికై వేచి చూసే కోయిలలా....
నువ్వు వస్తావని...
నా హృదయవీణపై ప్రణయరాగాలను 
పలికిస్తావని వేచి చూస్తున్నా
వస్తావు కదూ...